Realme GT 7 सिरीज भारतात अधिकृतपणे लॉन्च झाली आहे. कंपनीने या सिरीजमध्ये तीन स्मार्टफोन – Realme GT 7, Realme GT 7 Dream Edition आणि Realme GT 7T – लॉन्च केले आहेत. हे ब्रँडच्या प्रीमियम स्मार्टफोन आहेत, जे दमदार वैशिष्ट्यांसह येतात.
हे डिव्हाइसेस उच्च दर्जाच्या परफॉर्मन्ससह गेमिंग आणि AI क्षमतांवर भर देऊन तयार करण्यात आले आहेत. फोनमध्ये 7000mAh बॅटरी, 120W चार्जिंग, AMOLED डिस्प्ले आणि Android 15 आहे. चला तर मग या सिरीजच्या खास गोष्टी जाणून घेऊया.
Realme GT 7 किंमत किती आहे?
Realme GT 7 ची किंमत 39,999 रुपयांपासून आहे. ही किंमत फोनच्या 8GB RAM + 256GB स्टोरेज व्हेरिएंटसाठी आहे. फोन दोन रंगांमध्ये उपलब्ध आहे – IceSense Black आणि IceSense Blue. Realme GT 7 Dream Edition 16GB RAM + 512GB स्टोरेजमध्ये लॉन्च झाला असून त्याची किंमत 49,999 रुपये आहे.
तर Realme GT 7T ची किंमत 34,999 रुपयांपासून सुरू होते, ज्यात 8GB RAM + 256GB स्टोरेज आहे. हा फोन तीन रंगांमध्ये उपलब्ध आहे – IceSense Blue, IceSense Black आणि IceSense Yellow. Realme GT 7 आणि GT 7T तुम्ही अॅमेझॉन आणि Realme च्या अधिकृत वेबसाइटवरून खरेदी करू शकता. याची प्री-बुकिंग 30 मेपासून सुरू होईल. तर Realme GT 7 Dream Edition 13 जूनपासून उपलब्ध होईल.
स्पेसिफिकेशन्स काय आहेत?
Realme GT 7 मध्ये 6.78 इंचाचा AMOLED डिस्प्ले आहे, जो 120Hz रिफ्रेश रेटला सपोर्ट करतो. फोनमध्ये MediaTek Dimensity 9400e प्रोसेसर आहे. यात Android 15 बेस्ड Realme UI 6 दिला आहे. फोनमध्ये 50MP + 50MP + 8MP ट्रिपल रियर कॅमेरा आणि 32MP फ्रंट कॅमेरा आहे.
स्मार्टफोनला पॉवर देण्यासाठी 7000mAh बॅटरी दिलेली आहे, जी 120W चार्जिंगला सपोर्ट करते. फोन IP69 रेटिंगसह येतो. Realme GT 7 Dream Edition मध्येही हेच फीचर्स आहेत. यात 16GB RAM + 512GB स्टोरेज मिळते. तसेच कस्टम आयकॉन्स, वॉलपेपर आणि Aston Martin Amarco F1 Team Edition चा वॉटरमार्कसुद्धा उपलब्ध आहे.
Realme GT 7T मध्ये कंपनीने 6.80 इंचाचा AMOLED डिस्प्ले दिला आहे, जो 120Hz रिफ्रेश रेटसह येतो. यात MediaTek Dimensity 8400 Max प्रोसेसर आहे. फोनमध्ये 50MP + 8MP ड्युअल रियर कॅमेरा सेटअप आणि 32MP फ्रंट कॅमेरा आहे. स्मार्टफोन 7000mAh बॅटरी आणि 120W चार्जिंगसह येतो.
नवीन गाडी घेतली असेल तर नंबर प्लेट वर फक्त AF टाका, कुणीही तुमची गाडी अडवणार नाही !