आठवड्यातून एक दिवस उपवास ठेवल्याने फायदा होतो की नुकसान !

उपवास किंवा व्रत ठेवणे एक श्रद्धेचा भाग असतो. प्रत्येक धर्मातील रोग्यांच्या श्रद्धेनुसार आणि मान्यतेनुसार व्रतवैकल्य करतात. धार्मिक बाबींचा विचार करता उपवास करण्याचे काही चांगले फायदे आहेत आणि वैज्ञानिक बाबींचा विचार केला असता उपवास केल्याने आपल्या शरीराला अनेक चांगले फायदे मिळतात. त्यामुळे पचनक्रिया सुधारते, मानसिक स्वास्थ्य चांगले राहते.
अनेकदा कामाच्या ठिकाणी वा घरामध्ये देखील लोक तेलकट, मसालेदार किंवा जंकफूड खातात, ज्याचा शरीराला त्रास होतो. आठवड्यातून एक दिवस उपवास केल्याने शरीराचे डिटॉक्सीफिकेशन होऊन फॅट्सचे एनर्जीमध्ये रूपांतर होते. उपवासाच्या दिवशी द्रव पदार्थांचे सेवन केल्याने शरीरातील विषारी तत्व असलेले पदार्थ शरीरातून बाहेर पडतात.
जेव्हा शरीराच्या स्वास्थ्यविषयी आपण बोलतो तेव्हा अनेकदा डोके, डोळे, केस यांच्याविषयी आपण बोलतो. बहुतेकदा आपण शरीराच्या आतील भाग व त्यांच्या कार्याला विसरतो आणि आठवड्यातून एकदा उपवास केल्याने शरीराच्या आतील भागांचं स्वास्थ्य राखून ठेवता येतं. उपवासाच्या दरम्यान पेशी ग्लूकोजऐवजी फैटी एसिडला तोड देते आणि पुनरुत्पादकता वाढवण्यासाठी मदत करते.
जे लोक अनेक दिवसांपासून वजन कमी करण्यासाठी प्रयत्न करत आहेत. त्यांच्यासाठी आठवड्यातून एकदा उपवास करणे हा एक उत्तम पर्याय आहे. सोबतच मेटाबॉलिज्मला चालना मिळते. उपवासाच्या दिवशी संतुलित आहार करणे महत्त्वाचे असते. एकाच वेळी भरपूर खाण्याऐवजी दोन ते तीन वेळेस थोडा फलाहार वा फळांचा रस प्यावा. जर आपण आठवड्यातून दोनदा उपवास करत असू तर खाण्यापिण्यावर नियंत्रण राहते व शरीराचे स्वास्थ्य देखील टिकून राहते.